Здружението „Кво Вадис Ад Астра“ заедно со средношколци го имплементираа проектот „Подготовка на младите како идни учесници во изборните процеси“

Подигање на нивото на знаење кај средношколците за корените на корупцијата, почнувајќи од училишните клупи, препознавање на коруптивно однесување, како младите да ја сфатат опасноста на ризикот од корупција, да ја препознаат кај личности кои имплементираат коруптивни постапки со цел да се создаде релевантна основа за превенирање, особено во предизборниот период кога младите се латентни жртви на коруптивни постапки, е целта на едукативните работилници кои се оддржаа во изминатиот период во средните училишта во југоисточен регион во рамките на проектот „Подготовка на младите како идни учесници во изборните процеси: Со зајакнати знаења до препознавање и превенција на корупција“, кој го имплементира Здружението на граѓани „Кво Вадис Ад Астра“ од Струмица.

Овие проектни активности се дел од програмата Граѓаните против корупцијата  која ја спроведува Македонски центар за меѓународна соработка – МЦМС, во партнерство со Центарот за граѓански комуникации (ЦГК), Институтот за демократија „Социетас Цивилис“, Скопје (ИДСЦС), Стопанската комора на Северна Македонија (СКСМ), 360 Степени, Истражувачка репортерска лабораторија, Македонија (ИРЛ) и Балканска истражувачка репортерска мрежа, Македонија (БИРН), поддржано од Aмериканската агенција за меѓународен развој – УСАИД/Северна Македонија.

Од Здружението на граѓани „Кво Вадис Ад Астра“ информираат дека на работилниците присуствуваа голем број ученици и неколку професори кои несебично го споделија и своето искуство во поглед на застапеноста на оваа тематика во образовните програми.