![almak](https://strumicanet.com/wp-content/uploads/2023/09/Almak10_2023.jpg")
Здружението за помош и поддршка на лица со Даун синдром „Вера“ од Струмица ја почна кампањата за одбележување на светскиот Ден на лицата со Даун синдром – 21 март.
„Оваа година на симболичен начин, инспирирани од говорот на професорката Катерина Панов Кожаров на модната ревија „Убави сме, свои сме“ на лицата со попреченост, одржана на 3 декември 2022 година и нејзината јасна порака „Сите ние сме различни, и токму во тоа е убавината на овој свет“, кампањата ја именуваме како „Различно Исти“, велат од здружението „Вера“ од Струмица најавувајќи дека од денеска, па во наредните 20 дена неколку познати личности од јавниот живот ќе се вклучат во кампањата „Различно Исти“ и ќе ја дадат својата поддршка.
„Само доколку сме свесни дека овие лица постојат и се меѓу нас, ќе успееме да им помогнеме да бидат еднакви и рамноправни членови на оваа општество“, додаваат од „Вера“.
