![almak](https://strumicanet.com/wp-content/uploads/2025/04/srnet-banner-sofa-bed-garnituri-2025-optimized.jpg")
Големиот струмички парк беше полн со дечиња, родители, баби, дедовци, каде денеска за прв пат се одржаа Есенски Крос трки за ученици од I до V одделение, а по повод празникот 11-ти Октомври.
Организатор на овој настан беше Меѓуопштинскиот Сојуз на училишен спорт – Струмица, заедно со Атлетскиот клуб „Беласица ран“ кои очекуваат овој настан да се одржува секоја година, да прерасне во традиција како Ноќните Крос трки кои се одржуваат повеќе од 50 години, а се застапени ученици од шесто до деветто одделение и средношколци.
На првите Есенски Крос трки учествуваа околу сто дечиња од одделенска настава, најбрзите си добија медаљи и дипломи за спомен, а сите учесници добија и специјално шише за вода кое ги обезбеди АК „Беласица ран“.
Еве кои се најбрзите ученици на оваа прва Крос трка, по категории:
Во категоријата I одделение (девојчиња), првото место го освои Ана Масева од ООУ „Сандо Масев“, второто Ева Стојанова од ООУ „Никола Вапцаров“ додека третото место го поделија Мелани Гоцевска од ООУ „Сандо Масев“ и Клара Јакимова од ООУ „Гоце Делчев“ Вељуса. Кај момчињата првото место го освои Симон Васковиќ од ООУ „Сандо Масев“, втор беше Андреј Алаѓозовски од ООУ „Видое Подгорец“, а третото место го поделија Матеј Шаламанов од ООУ „Сандо Масев“ и Борјан Георгиевски од ООУ „Видое Подгорец“.
Кај девојчињата од второ одделение најбрза беше Теа Митева од ООУ „Сандо Масев“, зад неа беше Лана Стојанова од истото училиште, додека третото место го поделија Захарија Памукова од ООУ „Сандо Масев“ и Мила Џонлага од ООУ „Никола Вапцаров“. Кај момчињата од второ одделение првото место го освои Богдан Партенов од ООУ „Видое Подгорец“, втор беше Наско Голубовски од ООУ „Сандо Масев“, а како трети се пласираа Матеј Ѓоргиев од ООУ „Никола Вапцаров“ и Матеј Стефков од ООУ „Сандо Масев“.
Во категоријата III одделение (девојчиња), првото место го освоија Милана Стојилкова и Јелена Данчева и двете ученички во ООУ „Сандо Масев“, кои беа и единствени учеснички во оваа категорија. Кај момчињата од трето одделение првото место го освои Димитар Бјадов од ООУ „Сандо Масев“, втор беше Атанас Јанакев од ООУ „Никола Вапцаров“, додека третото место го поделија Андреј Ментинов од ООУ „Сандо Масев“ и Ангел Ристов од ООУ „Никола Вапцаров“.
Во категорија девојчиња од IV одделение најбрза беше Викторија Стоева, втора беше Николија Булатовиќ, а трета Лара Пиличева, сите ученички во ООУ „Видое Подгорец“ Струмица. Кај момчињата од IV одделение прв беше Христијан Колев од ООУ „Сандо Масев“, втор Константин Лазаров од ООУ „Видое Подгорец“, а третото место го освоија Александар Шаламанов од ООУ „Сандо Масев“ и Виктор Коцев од ООУ „Видое Подгорец“.
И во категоријата V одделение (девојчиња), првото место го освои Стефанија Арабаџиева од ООУ „Видое Подгорец“, втора беше Ива Јанкова од ООУ „Сандо Масев“, а како трета се пласира Мелани Тупалова од ООУ „Гоце Делчев“. Во машка конкуренција прв беше Кристијан Копачев од ООУ „Сандо Масев“, зад него Антонио Глигоров од истото училиште, а трето место го поделија Христијан Сапунџиев од ООУ „Гоце Делчев“ и Мартин Велков од ООУ „Никола Вапцаров“.
