Заменик градоначалникот на општина Струмица, Елена Магеровска Паликарова денеска на Денот на жената им даруваше цветови на жените вработени во општинската администрација.
„Денес е тој ден, денес е тој 8 Март – Меѓународен ден на жената, но кон овој ден треба да се однесуваме со почит кон мноштвото генерации жени кои повеќе од еден век се бореле за своите права, за еманципација и за еднаквост со мажите. Тоа ние го заслужуваме, и таа борба треба да продолжи и понатаму“ – вели Магеровска Паликарова упатувајќи честитки до сите жени со желба да бидат здрави, живи, среќни, успешни и свои.
