Од Општина Струмица информираат дека градоначалникот Костадин Костадинов, попладнево имал средба со заменик претседателот на Владата задолжен за европски прашања, Бојан Маричиќ и министерката за труд и социјална политика, Јована Тренчевска.
На средбата во неговиот кабинет разговарале на актуелни теми од работата на локалната и централната власт и взаемната соработка во областа на социјалната заштита и европските политики и перспективи.
„Со посебно задоволство, градоначалникот Костадинов им ги презентираше струмички позитивни искуства од користењето на средства од европските фондови кои Струмица ја прават прва општина во државата во тој дел, а со кои се реализирани повеќе проекти во интерес на граѓаните и развојот на Струмица и реализираните и проектите во тек од областа на социјалната заштита кои исто така и ја потврдуваат лидерската позиција“, стои во соопштението од Општина Струмица.
Костадинов, Маричиќ и Тренчевска ја посетија и Европската куќа во Струмица каде што со младите разговарале за младинските актуелни состојби и перспективи, а го посетија и новиот Младински центар во општинската зграда кој е во завршна фаза.
„Градоначалникот Костадинов со посебно задоволство го презентираше и проектот „Струмица – Паметен вело град“ кој се реализира со европски средства, а во чии рамки досега во градот се изведени велосипедски патеки во должина од 5,5 километри“, додаваат од општината.
