Загина 63-годишен маж од Муртино додека извршувал земјоделски работи со трактор

Вчера во 10:30 часот во Полициската станица Струмица било пријавено дека Ж.Ј.(63) од село Муртино, струмичко, додека извршувал земјоделски работи со трактор во нива во место викано „Врловарник“, атар на село Муртино, со тракторот зафатил железна шипка од оранжеријата, која паднала и го повредила. Од здобиените повреди Ж.Ј. починал, а смрт констатирал лекар од струмичката болница. Увид на местото извршиле јавен обвинител од Основното јавно обвинителство Струмица и екипа на СВР Струмица.