Жителите на Куклиш се без вода поради дефект на трафостаницата која ја снабдува со струја Пумпната станица за вода

Од ЈПКД „Комуналец“ Струмица информираат дека жителите на селото Куклиш денеска попладне останаа без вода, а причината е, според соопштението поради настанат дефект на трафостаницата на ЕВН, преку која ја снабдува со електрична енергија Пумпната станица за водоснабдувањето на Куклиш.

„Екипа од ЕВН работи на терен и се очекува утре во попладневните часови дефектот да биде саниран со што водоснабдувањето ќе се врати во нормална состојба“ – соопштија од „Комуналец“.