Еко активисти од Колешино го исчистија отпадот во селото со што го најавија проектот „Колешино без отпад“

Еко активисти, млади жители на селото Колешино, општина Ново Село вчера го исчистија цело село од разновиден отпад, а беа искосени и зелените површини кои имаа итна потреба од косење.

„Денешната акција е показател дека подбеласичките села имаат иднина, моторот на оваа акција беа младите основци кои беа борбени се до кога не се собра и последниот отпад. Исто така, беше собран и исчистен отпадот и теренот на големото игралиште и наскоро ќе се врати во употреба“, велат организаторите.

Целта на ова иницијатива на младите од Колешино е еко активистите и младите луѓе од сите подбеласички населени места и пошироко да направат свое #БезОтпад и да го исчистат отпадот од своите села.

Организаторите велат дека ова е само почетокот на проектот #КолешиноБезОтпад, со конечна цел паролата #КолешиноБезОтпад да стане вистина. Затоа ги повикуваат сите кои сакаат, да се приклучат на овој проект.