Амабасадорот на Европската унија во Македонија, Дејвид Гир денеска беше во работна посета на Општина Ново Село каде разговараше со градоначалникот Ѓорѓе Божинов и членовите на Советот на општината.
„Со Амбасадорот разговаравме за досегашната поддршка која ја има добиено нашата општина, но и за потенцијалните проекти и соработка за кои ќе добиеме поддршка од ЕУ. На средбата ми беше потврдена заедничката заложба за развој на општина Ново Село“, информираше градоначалникот Божинов.
Амбасадорот Гир најави дека Европската унија ќе продолжи со финансиска помош кон општината Ново Село за проекти од повеќе области.
„Разговаравме со градоначалникот за одличните можности за финансирање од ЕУ, кои можат да продолжат и како ние можеме да помогнеме на практичен начин како сета таа финансиска помош од страна на ЕУ да се реализира“, кажа Гир.
Амбасадорот оствари средба и со членовите на Советот на општина Ново Село, како и со претставници на невладини организации на која беше отворена плодна дискусија на повеќе теми.
Ова е прва посета на евроамбасадорот Дејвид Гир на Општина Ново Село.
