Вечерва на официјалниот YouTube канал на издавачката куќа „Croatia Records“ е објавена новата песна со видео спот на младиот музичар од Струмица Иван Кукиќ. „Друмови“ е дел од новиот албум на Кукиќ, кој ќе биде објавен од оваа издавачка куќа за хрватскиот естраден пазар.
„Друмови“ е втора песна во албумот на Кукиќ од вкупно десет. Музиката и аранжанот се на Иван Кукиќ и Стефан Илиќ, а текстот е на Стефан.
Режијата на видео спотот е на Столе Ангелов, асистенти на камерата се Методи Велински и Дине Ристов. Видео миксот го направија Иван Кукиќ и Зоран Трендов, а како актерка во видеото се појавува Катерина Јовановиќ.
Иван ни најави дека новите песни за првиот албум веќе се снимаат. Меѓу музичарите – гости на овој албум на Иван Кукиќ ќе бидат Влатко Стефановски и Јан Стефановски, Theodosil Spassov, Дадо Топиќ, Џамбо Агушев, Sakis Dovolis, група „Јупитер“.
Слушнете и погледнете ја „Друмови“ на младиот струмички музички талент Иван Кукиќ…
