Државниот инспекторат за животна средина во инспекциски надзори на АД „Неметали Огражден“ и ИГМ „Еленица“

Државниот инспекторат за животна средина информира дека се направени инспекциски надзори во Струмица (А-ИЕД, воздух), во компаниите АД „Неметали Огражден“ и ИГМ „Еленица“.

Во објавеното соопштение на Државниот инспекторат стои:

АД за неметали Огражден ДООЕЛ Струмица 02.12.2023 година и 03.12.2023 година не работи.

Во АД за неметали Огражден ДООЕЛ Струмица извршен е вонреден инспекциски надзор на ден 21.11.2023 година и со Решение ИП1 19.1 – 88 од 24.11.2023 година се задолжени во рок од 20 денови да извршат:

– Мерења на емисии и видови на загадувачки супстанции во отпадните гасови што емитираат во воздухот од АД за неметали Огражден ДООЕЛ Струмица од испустите: АА2, АА3, АА4, АА5 и АА6, мерењата да се извршат од акредитирана лабораторија за животна средина.

– Мерења на концентрација на прашина со големина на честичките од 10 µm (РМ 10) што се емитираат во животната средина од АД за неметали Огражден ДООЕЛ Струмица, мерењата да се извршат од акредитирана лабораторија за животна средина и Извештајот да се достави до ДИЖС.

– АД за неметали Огражден ДООЕЛ Струмица од акредитирана лабораторија има извршено последни мерења во месец јули:

– Мерења на концентрација на прашина со големина на честичките од 10 µm (РМ 10) што се емитираат во животната средина, локација: АД за неметали Огражден ДООЕЛ Струмица, доставен е на увид Извештај од испитување бр.134-1/23. Мерењата се извршени на 19-20-21.07.2023 година од акредитирана лабораторија Еуромак – Контрол ДОО Скопје на: Мерно место 1 на влез од објект АД за неметали Огражден и на Мерно место 2 на влез/излез од објект АД за неметали Огражден, резултатите од мерењата извршени согласно Уредбата за гранични вредности за нивоа и видови на загадувачки супстанции во амбиенталниот воздух и прагови на алармирање, рокови за постигнување на граничните вредности, маргини на толеранција за гранична вредност, цели вредности и долгорочни цели (Сл. Весник на Р.М бр.50/05) и Уредбата за изменување и дополнување на уредбата за гранични вредности за нивоа и видови на загадувачки супстанции во амбиентниот воздух и прагови на алармирање, рокови за постигнување на граничните вредности, маргини на толеранција за граничните вредности, целни вредности и долгорочни цели (СЛ.Весник на Р.М бр.4/2023), се во дозволени гранични вредности.

– Извештај од тестирање бр.134/23 локација: АД за неметали Огражден Струмица Автоматски Млин. Мерењата се извршени на 19.07.2023 година од акредитирана лабораторија Еуромак – Контрол ДОО Скопје на мерните места: Филтер од сушара (АА2) гориво природен гас, : АА3 – филтер за опрема бр.1, АА4 – филтер за опрема бр.2, АА5 – филтер од млин и АА6 – филтер за опрема бр.3, резултатите од мерењата се извршени согласно Правилник за изменување и дополнување на правилникот за граничните вредности за дозволените нивоа на емисии и видови на загадувачки супстанции во отпадните гасови и пареи кои ги емитираат стационираните извори во воздухот, се во дозволени гранични вредности.

Асфалтна база СИМ ИНЖЕНЕРИНГ ДОО Струмица и УНИВЕРЗАЛ ГРАДБА ДООЕЛ Струмица лоцирана во Индустрија Сачево Струмица не работи, и истата нема да биде пуштена во работа подолг временски период.
Акционерско друштво индустрија за градежни материјали „Еленица“ Струмица работи со намален капацитет, во викенд денови сабота и недела се врши само одржување на температурата на печката, кон крајот на декември ќе се започне постапка за гасење на печката за што Државниот инспекторат за животна средина писмено ќе биде известен.

Мерења на емиисиите што се испуштат од емитерот/оџакот од тунелската печка во АД ИГМ Еленица Струмица се извршени на ден 24.10.2023 година од страна на акредитирана лабораторија за животна средина ЕУРОМАК КОНТРОЛ ДОО Скопје, доставен е на увид Извештај од тестирање бр.234/23 изготвен од ЕУРОМАК КОНТРОЛ ДОО Скопје. Мерењата и анализата на концентрациите на загадувачки супстанции и цврсти честички (емитер/оџак) кои се емитираат во животната средина при работа на тунелската печка во АД ИГМ Еленица, Струмица се во дозволени гранични вредности согласно Правилник за граничните вредности за дозволените нивоа на емисии и видови на загадувачки супстанции во отпадните гасови и пареи кои ги емитираат стационираните извори во воздухот (Сл. Весник на РМ бр.141/10).

Надзорите се извршени од страна на Виша инспекторка за животна средина, Раководител на Одделение за инспекциски надзор во животната средина -Вардарски и Југоисточен регион, Канцеларија Струмица, Виолета Панзова.