Детски карневал во Струмица, на сам ден Прочка, како дел од традиционалниот Струмички карневал. Најмалите и годинава се маскираа во голем број, со најразлични маски, секој според својата замисла, идеја и желба како сака да изгледа со помош на повозрасните.
Весели пчелки, весели мравки, весели жаби, бувчиња, медузи, децата се маскира во фигури од „Не љути се човече“, во машини за перење алишта, од гасеници во пеперутки, шетаа низ улиците на Струмица, а официјално во поворката на струмичкото корзо и на плоштадот пред многу публика, пред големиот учител Гоце Делчев, пред таткото на градот Костадин Костадинов и пред членови на Бордот на FECC.
Забавата за маскираните беше збогатена со настапите на децата од „Вртелешка“, а напладне плоштадот и корзото останаа преполни со карневалчиња, родители, баби, дедовци.
