Девет лица повредени во сообраќајна незгода кај селото Раброво

СВР Струмица информира дека вчера во раните утрински часови на регионалниот пат во близина на селото Раброво, валандовско, се случила сообраќајна незгода помеѓу возило „Фолксваген голф“, управувано од И.К.(61) од Струмица, „Цитроен“ управувано од Г.А.(35) од Струмица и трактор „ИМТ“ управуван од Т.Ш.(74) од Валандово.

Во несреќата со тешки повреди се здобил возачот на тракторот, додека возачот на возилото „Цитроен“ и шест сопатници од истото возило, како и сопатник од тракторот Д.Н.(56) се здобиле со телесни повреди, констатирани во ЈЗУ Општа Болница Струмица и Здравствен дом Валандово.

Извршен бил увид од увидна екипа од полициската станица од Валандово.