Двајца малолетници на мопед се повредени при судир со возило „Мерцедес“

Двајца малолетници од Струмица се повредени при судир меѓу мопед кој го управувале и возило „Мерцедес“.

Незгодата се случила синоќа во 20:15 часот на крстосницата на старата стара струмичка чаршија која води кон Католичката црква, а во неа учествувале патничко возило „Мерцедес“ со струмички регистарски ознаки, управувано од В.Д.(62) од Струмица и мопед со струмички регистарски ознаки, управуван од малолетник од Струмица.

Во незгодата со тешки телесни повреди се здобил малолетникот кој го управувал мопедот, а со телесни повреди се здобил малолетен сопатник на мопедот. Повредите биле констатирани во болницата во Струмица, а увид на местото извршила екипа на Полициската станица Струмица, информираат од СВР Струмица.