Од Општинскиот комитет на ВМРО-ДПМНЕ во Струмица со писмена реакција до медиумите, а во врска со, како што пишуваат, заканите за тужба кон советникот Владимир Ристов од страна на градоначалникот Костадин Костадинов. Тие целосно застануваат во поддршка на советникот Ристов.
Во писмената реакција со наслов „Наместо тужби, струмичани бараат одговори“ од струмичкото ВМРО-ДПМНЕ велат:
„Владимир Ристов со својата активност покажува како вистински се застапуваат политички ставови. Оттука обидот да се замолчува здравата опозиција во петиот и последен мандат на СДС во Струмица го сметаме за очаен потег. Наместо тужби Костадинов да одговори на редица прашања поставени од советникот Владимир Ристов како за клупите, за скапите автобуси чиј возен ред ретко кој го знае и конечно како градоначалник да најде трајно решение за питка вода за граѓаните. СДС Струмица мора да разбере дека празната реторика и неиздржаните прогони и ставови нема да им ги вратат изгубените над 5000 гласови на изборите. Одговорноста следува“ – реагираат од ОК ВМРО-ДПМНЕ Струмица.
