![almak](https://strumicanet.com/wp-content/uploads/2025/08/srnet-banner-аugust2025-optimized.jpg")
Легендата на македонскиот фудбал Горан Пандев, во име на спортските обложувалници „Моцарт“, предаде донацијата – едукативен материјал во вредност од 60.000 денари на клубот „Деца на Сонцето“, што го води Здружението за помош и поддршка на лица со Даунов синдром „ВЕРА“ од Струмица.
Мала, но многу важна за нив донација со која децата полесно ќе можат да ги совладуваат наставните матријали. Од „Моцарт“ веќе за во месец март најавија уште една донација за клубот, која сакаат да ја реализираат со поддршка на општината, изградба на отворена едукативна училница во непосредна близина на сегашните простории каде се наоѓа клубот.
Пандев еден час се дружеше со децата на предновогодишната забава што го организираше оваа здружение, а во дворот пред „Инкубаторот“, каде се наоѓа клубот заигра и фудбал со нив.
Со децата се дружеа и градоначалникот Костадин Костадинов и претседателот на Советот на општина Струмица, Марјан Даскаловски. Тука беа и ученици од ООУ „Сандо Масев“, но и од гимназијата каде Верче го следи средното образование. Сите си посакаа успешна нова 2025 година исполнета со здравје, љубов и радости, а соработката и меѓусебната поддршка да биде уште поголема.
