Голем успех во Хрватска на учениците – готвачи од струмичкото училиште „Димитар Влахов

Учениците од СОУ „Димитар Влахов“ Струмица – угостителско туристичка струка, профил: готвач, Ива Сретеновиќ, Матеј Шапков, Михаил Атанасов, Сара Цекова и Есма Амедова се натпреваруваа на 18-от меѓународен гастрономски фестивал „Бисер Мора 2023“, кој од 28 март до 1 април се одржува во Супетар, Брач, Хрватска освојувајќи 8 медали и четири сребрени дипломи.

Во конкуренција на околу 500 учесници од Албанија, Австрија, Белорусија, Босна и Херцеговина, Црна Гора, Хрватска, Франција, Италија, Канада, Малта, Холандија, Романија, Македонија, Словачка, Словенија, Србија, Турција, Украина, струмичките ученици под менторство на проф. Ивана Петров Ѓоргиева освоија два златни медали, пет сребрени медали, еден бронзен медал и четири сребрени дипломи за ментор на јуниор тим и училиштето.

Ова не е првпат овие ученици да освојат меѓународни награди во гастрономијата. Минатата година во почетокот на месец јули, тие учествуваа и на меѓународниот гастро фестивал „Ниш 2022“ во Србија, каде освоија 16 медали и 5 пехари во повеќе категории.