![almak](https://strumicanet.com/wp-content/uploads/2025/04/srnet-banner-sofa-bed-garnituri-2025-optimized.jpg")
Во изминатата недела дена струмичани ја имаа ретката можност да следат концерти на класична музика на врвни уметници од Македонија, Бугарија, Србија и Словенија во рамките на второто издание на „Classic International Festival Strumica 2023“.
На три локации се одржаа пет концерти, во Центарот за култура „Антон Панов“, во Градската уметничка галерија и во Црквата „Св. Петнаесет Тивериополски свештеномаченици“, а освен солистичка и хорска музика се слушаше и камерна музика.
Првиот концерт го имаа Дуо „Селена“ – Келтски харфи, односно Кохар Андонијан и Лилијана Стоева од Бугарија. Настапи македонскиот мешан хор „Мелизма“, под диригентство на Марија Андонова. Од Србија дојдоа и свој концерт имаше „ДУО“ со виолина и клавир, Јован Богосављевиќ и Бојан Младеновиќ. Тука бше и концертот на „Трио сопран, кларинет, пијано“ во изведба на нашите врвни музичари Марија Наумовска Бакревски – сопран, Игор Бакревски – кларинет и Иван Еминовиќ – диригент, а на последниот ден, синоќа свој концерт имаше „Клавирско дувачко трио“ од Љубљана, Словенија во состав Јоже Котар – кларинет, Зоран Митев – фагот и Лука Ферини – пијано.
„Со овој фестивал сметаме дека ќе го збогатуваме културното живеење на Струмица и регионот, бидејќи градот го заслужува тоа не само заради традицијата која ја има, туку и заради местоположбата на градот со соседите со што ќе стане уметнички центар на Балканот“, кажа Васил Атанасов, идеен творец и еден од организаторите на фестивалот „Classic International Festival Strumica“ со желба овој фестивал, единствен од ваков карактер во нашата држава да стане традиционален.
