Министерството за труд и социјална политика денеска во Струмица организираше јавна расправа за Законот за работни односи. Ова е втора, а се планираат да бидат одржани уште седум вакви дебати на територијата на целата држава, со цел вклучување на сите чинители кои се засегнати од Законот за работни односи.
На расправата присуствуваа министерката за труд и социјална политика, Јована Тренчевска со нејзините соработници, претставници од синдикатите, меѓународните организации и работодавачите.
Од страна на работната група која работеше на Законот за работни односи беа презентирани пред присутните новитетите кои треба да придонесат кон поголеми права на работниците.
Министерката Тренчевска го истакна нејзиното уверување за креирање на закон со кој ќе се носат добри решенија, а сепак ќе ги следат Европските стандарди како и реалните потреби на пазарот на труд на територијата на Република Македонија.
