Во Струмица се одржа Саем за вмрежување и вработување

Во организација на Центарот за истражување и анализи „Новус“, а во партнерство со Општина Струмица, денеска во Градската уметничка галерија во Струмица се одржа „Саем на вмрежување и вработување“. Саемот е во рамките на проектот „Иницијатива за социо-економско зајакнување на младите од струмичкиот регион, кој финансиски е поддржан од Европската Унија.
„Радува фактот што дури триесеттина компании – понудувачи на работни места од нашиов регион се дел од овој Саем, но и тоа што истиот предвидува две панел дискусии со докажани бизнисмени и претприемачи од Струмица и регионот, преку кои младите ќе имаат можност да слушнат убави деловни приказни кои, се надевам, ќе им дадат до знаење дека ништо не е невозможно доколку се има вистинскиот клуч за соништата да се претворат во јаве. Посакувам овој „Саем за вмрежување и вработување“ да биде подеднакво успешен и за компаниите кои нудат работни места и за младите кои бараат работа“ – кажа Ице Беличев, член на Советот на општина Струмица отворајќи го Саемот.
Со денешниот Саем се одбележува и светската иницијатива „Глобална недела на претприемништвото“, која се реализира во повеќе од 200 земји во светот со 10 илјади настани.
ФОТОГАЛЕРИЈА