Денеска во Струмица на фудбалскиот терен за рекреативци и тренинг на млади фудбалери „Рекреативо“ се одржа првиот зимски турнир за генерација 2015 – „Рекреативо 2023“.
На турнирот учествуваа екипите на „Форца“ од Штип, „Фудбал Старс“ од Кочани, „Азури“ од Радовиш и „Академија Пандев“ од Струмица. Екипите одиграа секој против секој, по три натпревари.
Првото место го освои екипата на „Академија Пандев“ со три победи од исто толку натпревари. Најдобар играч на турнирот беше избран Даријан Галевски од екипата на „Форца“, најдобар голман беше Александар Пиљафов од „Академија Пандев“, а најдобар стрелец Павел Јовов исто така од „Академија Пандев“. Наградата за фер-плеј беше доделена на екипата „Фудбал Старс“ од Кочани.
