Во Струмица се одржаа традиционалните Ноќни крос трки на кои учествуваа над 500 основци и средношколци

Традиционално веќе 50-тина години, во пресрет на празникот 11-ти Октомври во организација на Меѓуопштинскиот сојуз на училишен спорт на Струмица, а под покровителство на градоначалникот и Советот на општина Струмица се одржаа „Ноќни крос трки 2023“.

На трките учествуваа над 500 ученици од основните и средните училишта од струмичкиот регион, во машка и женска конкуренција, а трчаа на различни должини и патеки согласно возраста. На најдобрите три пласирани натпреварувачи – тркачи во секоја категорија им беа доделени медали и дипломи.

Кај средношколците, во категоријата I година – машки, првото место го освои Даријан Златевски од СОУ „Никола Карев“, втор Звонко Христоманов ученик во СОУ „Димитар Влахов“, а трет Лука Варошаноски од СОУ „Никола Карев“, додека кај девојките од I година првото место го освои Викторија Петкова, зад неа беше Божанка Иванова, а трета Гонце Манавска, сите ученички во СОУ „Никола Карев“.

Од II година кај машките најбрз беше Игор Ристов од СОУ „Никола Карев“, втор Давид Ашовалиев, исто така од СОУ „Никола Карев“, а на третото место Гоце Полизовски од СОУ „Јане Сандански“. Кај девојките најбрза беше Викторија Трајкова, а зад неа беше Марија Миткова и двете ученички во СОУ „Јане Сандански“.

Во категоријата III година средно образование – машки, првото место го освои Никола Стојанов од СОУ „Никола Карев“, зад него беше Душан Павлов од СОУ „Јане Сандански“, а третото место го освои Антонио Јанев од СОУ „Никола Карев“.

Кај девојките, III и IV година, најдобра во крос трчање беше Зорица Бојкова од СОУ „Никола Карев“, втора Тамара Јаневска исто така од СОУ „Никола Карев“, трета Ивана Петрова од СОУ „Димитар Влахов“.

Кај средношколците од IV година – машки, најбрз беше Марио Костов од СОУ „Јане Сандански“, второто место го освои Костадин Капсаров од СОУ „Никола Карев“, а зад него беше неговиот соученик од истото училиште, Стефан Мириовски.

Кај учениците од основните училишта – категорија VI одделение машки, првото место го освои Александар Арапов од ООУ „Видое Подгорец“ Струмица, втор Давид Пантев од ООУ „Сандо Масев“ Струмица, додека трет Давид Николов од ООУ „Видое Подгорец“. Кај девојките прва Ленче Тодорова од ООУ „Никола Вапцаров“, втора Јана Серафимова од ООУ „Видое Подгорец“, а третото место го освои Миа Дивјаковска од ООУ „Никола Вапцаров“ од Струмица.

Кај седмоодделенците машки, првото место го освои Тони Георгиев од ООУ „Герас Цунев“ Просениково, второто за Петар Јакимов од ООУ „Сандо Масев“, а трето место за Дине Ангелов од истото училиште. Кај девојките прва беше Ива Митева од ООУ „Никола Вапцаров“, втора Кара Гоџирова исто така од ООУ „Никола Вапцаров“, додека третото место го освои Алма Томе од ООУ „Видое Подгорец“ Струмица.

Во категоријата VIII одделение – машки, Христијан Николов од ООУ „Никола Вапцаров“ го освои првото место, второто за Милорад Станковски од ООУ „Герас Цунев“ Просениково и третото место за Глигорие Иванов од ООУ „Видое Подгорец“. Прва кај девојките од VIII одделение беше Марија Николовска од ООУ „Никола Вапцаров“, втора Ивана Атанасова од ООУ „Маршал Тито“ Муртино, додека трета Мила Хаџиева од ООУ „Сандо Масев“ Струмица.

Кај машките од IX одделение првото место го освои Стојанче Николов од ООУ „Св. Кирил и Методиј“ Дабиле, втор беше Борис Карамитров од ООУ „Сандо Масев“, а трето место го освои Христијан Масев од истото училиште. Кај девојките од IX одделение најбрза беше Леонтина Пржолева од ООУ „Гоце Делчев“ Василево, зад неа беше Снежана Дикова од ООУ „Сандо Масев“, а трета Елена Ефтимова од истото училиште.