Огромен интерес за филмот „Света Петка – Крст во пустината“ на Хаџи Александар Ѓуровиќ, кој беше прикажан синоќа во големата сала на Центарот за култура „Антон Панов“ во Струмица.
Филмот е направен според романот „Петкана“ од Лилјана Хабјановиќ Џуровиќ, побожната девојка Параскева која го напушта својот живот меѓу луѓето од Константинопол и тргнува кон Јорданската пустина, каде ги поминува следните 40 години од својот живот, борејќи се со искушенијата, гревовите и внатрешните демони. Во филмот го следиме нејзиниот пат од обична девојка до најсканата и напочитуваната светица на Православието.
„Света Петка – Крст во пустината“ е еден од најгледаните филмови на Балканот, направен според романот „Петкана“ од Лилјана Хабјановиќ Џуровиќ. Својата премиера ја имаше во Србија минатата година во август, а во Струмица синоќа го донесе Фондацијата „Елеуса“.
„Како и многупати досега и оваа вечер големата сала на Центарот за култура „Антон Панов“ во Струмица беше исполнета до последно место. Овојпат за заедно да ја посведочиме вистинската приказна за големата светителка. Ви благодариме за Вашето ценето присуство“, напишаа од Фондацијата „Елеуса“.
