![almak](https://strumicanet.com/wp-content/uploads/2023/09/Almak10_2023.jpg")
Во Струмица од вечерва стартуваше второто издание на новосоздадениот фестивал на камерна музика, единствен од ваков вид во Македонија – „Classic International Festival Strumica 2023“.
Отворајќи го фестивалот, м-р Васил Атанасов, основач на овој фестивал и селектор на програмата кажа дека на фестивалот од вечерва до 9 јуни ќе се одржат пет концерти на врвни музичари од Македонија, Србија, Бугарија и Словенија на три локации, во Центарот за култура „Антон Панов“, во црквата „Свети Петнаесет Тивериополски свештеномаченици“ и во Градската Уметничка галерија на плоштадот во Струмица.
По официјалното отворање првиот концерт беше со келтски харфи во изведба на Кохар Андонијан и Лилијана Стоева од Софија, Бугарија кои се претставуваат како „Дуо Селена“.
Во сабота фестивалот се сели во црквата „Свети Петнаесет“ каде ќе биде изведен концерт на македонскиот мешан хор „Мелизма“, под диригентство на Марија Андонова. Почетокот е во 20:00 часот.
