Во Струмица одбележана годишнината од убиството на Гоце Делчев

„Постојат датуми кои останале врежани во македонскиот незаборав кои вечно болат, и ќе болат се дури постојат Македонци на ова наше парче земја, или било каде на земјината топка. Еден од тие датуми е 4 Мај 1903 година, без сомнение најтажниот датум во историјата наша македонска, денот кога Македонија и Македонците ја доживееа најголемата загуба во своето постоење. Тоа е денот кога во селото Баница, Серско, беше убиен апостолот на македонското револуционерно движење Гоце Делчев, несомнено најмаркантната фигура во севкупниот споменар за вековниот македонски непокор низ годините и вековите наназад“ – кажа во своето обраќање градоначалникот на Струмица, Костадин Костадинов говорејќи за делото на Гоце Делчев по повод 122-та годишнина од неговото убиство.

Пред големиот споменик на великанот, на самиот плоштад во Струмица кој го носи неговото име, се одржа мала свеченост на која присуствуваа голем број граѓани. Свежо свеќе пред споменикот на Гоце положија градоначалникот Костадинов и членови на Советот на општината, политичките партии СДСМ, ВМРО-ДПМНЕ и ЗНАМ, од Сојузот на борците, претставници на ООУ „Гоце Делчев“ од Вељуса, од државни и локални институции.

За апостолот на македонското револуционерно движење, Гоце Делчев се кажуваа стихови инспирирани од неговиот живот и делата.