Во сабота посебен сообраќаен режим во центарот на Струмица поради протестот против рудникот кај Иловица и Штука

Од Секторот за внатрешни работи – Струмица информираат дека утре ќе има посебен режим на сообраќајот на подрачјето на градот Струмица поради одржувањето на протестот против рудникот кај Иловица и Штука.

• Дознајте повеќе: Протестна блокада на центарот на Струмица по владината одлука за спојување на концесии на Еуромакс за рудникот кај Иловица и Штука

Од 10.00 до 14.00 часот затворени за сообраќај ќе бидат булеварот „Маршал Тито“, дел од булеварот „Ленинова“, помеѓу крстосниците од улицата „24-ти Октомври“ до улицата „Маршал Тито“, и дел од улицата „Моша Пијаде“ во правец од подземната гаража кон семафорите.

Сообраќајот во наведениот период ќе се пренасочува по споредните улици.