Во селото Радичево, општина Василево почнаа градежните активности на улицата која води кон црквата „Св. Илија“. Улицата се гради во соработка со Центарот за развој на Југоисточниот плански регион, кои ги обезбедија парите за реализација на овој проект, информираат од општината.
Должината на ова улица која претставува поврзување на црквата и гробиштата со постојната главна улица, изнесува 327 метри, ширината е 3 метри, односно ќе се асфалтираат околу 990 м².
Одводнувањето, според информацијата од изведувачот, компанијата „Бони Интерградба“ ќе биде решено со риголи со што ќе се заштити асфалтот како и околните површини од неконтролираното излевање на водата во случај на обилни врнежи од дожд.
Вкупниот буџет согласно договорот со изведувачот изнесува 2.196.616 денари, а рокот за комплетна изградба на улицата е шест месеци.
