Во понеделник традиционалниот Хуманитарен Бадникарски концерт

Во понеделник, 6 јануари, на Бадник во Струмица ќе се организира традиционалниот Бадникарски концерт и Бадниковата поворка од Црквата „Св. Кирил и Методиј“, која во 10:00 часот ќе тргне до зградата на Општина Струмица, каде младите бадникари ќе бидат пречекани од градоначалникот на Струмица Костадин Костадинов и Викарниот епископ Стобиски Јаков, кои ќе им поделат новогодишни пакетчиња на децата. Продолжуваат кон плоштадот „Гоце Делчев“, каде во 11:00 часот ќе започне Хуманитарниот Бадникарски концерт на кој 200 деца од предшколска возраст и ученици од основните училишта низ песна ќе го најават Христовото раѓање.

Организатори на овој настан се Фондација „Елеуса“, во соработка со Струмичката Православна Епархија и Школата за веронаука при храмот „Св. Кирил и Методиј“ Струмица.