Во понеделник – Протестен марш за живот! Воздухот и во лето смрди, се палат депонии

Во понеделник, 14 јули од 20:00 часот на плоштадот „Гоце Делчев“ во Струмица, Здружението „Здрава котлина“ најавува Протестен марш за живот…

Гори депонија, горат животите на нашите деца! Болести, рак, смрт – додека градоначалниците молчат и дозволуваат!

Секој ден го дишеме отровот од депонијата што се пали и која вие ја оставате да гори! Секој ден горат диви депонии а граѓаните сведочат за присуство на непознати лица и транспортни возила.

Нашата котлина не е ваша пепелница! Нашите животи не се отпад!

Доста е од лаги и игнорирање!
Доста е од смрдеа, рак и тивко труење!
Доста е од префрлање на надлежности и одговорности!
Доста е од купена пасивност на сите државни инстиуции!
Доста е од “бизнисмени” што контролираат институции!
Доста е од “домаќинствата загадуваат” приказни!

Како стигнавме до овој АПСУРДИСТАН?

Четири општини, еден проблем, нула решенија.
Нула уапсени, осудени, казнети!
Струмички фирми што “рециклираат” отпаден метал а не ги знаеме!
Каде ви се фабриките и каде наоѓате толку многу метал во Струмица?
Како тогаш секоја година имате милионски приходи од отпаден метал?
Колку метал е потребно да “рециклирате” за да се има над 7 милиони евра приход?
Што мајка бара отпад од голема кавадаречка фирма да се носи во депонијата Шапкар?
Има ли во МВР бизнисмени со отпаден метал?
Целиот државен апарат ли не смее да реагира за да ги заштити граѓаните?
Излези и бори се! Ако молчиме – умираме!
Има ли народ да се спротистави?
Колку време треба да се чека?
Ќе излезете ли на улица?