Во петок Хуманитарен концерт во Струмица за помош на Сандра Дејановска Крстев

Во петок (5 Април) во Центарот за култура „Антон Панов“ во Струмица ќе се одржи Хуманитарен концерт за помош на Сандра Дејановска Крстев – сопруга и мајка на две деца. Таа има редок тип на рак, но од болница во Турција има позитивни информации дека тие се подготвени да ја прифатат Сандра како пациентка за да се бори и лекува со ракот со веќе подготвен план на лекување за неа.

Сандра е жена со непоколеблива желба да живее и да се грижи за своите две деца. И покрај предизвиците на хемотерапијата, нејзината решеност да се бори со ракот е упорна. Сепак, финансискиот товар на лекувањето го загрозува нејзиниот сон.

Да и помогнеме на Сандра со присуство на Хуманитарниот концерт (влезница по цена од 300 денари), а на кој ќе настапат: најпознатиот македонски фолк пејач Јордан Митев, струмичанецот – победник на „Никогаш не е доцна“, Павле Витанов, Зорица Дончев и хармоникашот Александар Ицов.

Петок, 5 Април | 19:00 часот | Центар за култура – Струмица | Влез: 300 денари