Во петок, 6 јануари, на Бадник во Струмица ќе се организира традиционалниот Бадникарски концерт и Бадниковата поворка од Црквата „Св. Кирил и Методиј“, која по 10:00 часот ќе тргне до зградата на Општина Струмица, каде младите бадникари ќе бидат пречекани од градоначалникот Костадин Костадинов и Викарниот епископ Стобиски Јаков, кои ќе им поделат новогодишни пакетчиња на децата. Продолжуваат кон плоштадот „Гоце Делчев“, каде во 11:00 часот ќе започне Бадникарскиот концерт на кој 80-тина деца низ песна ќе го најават Христовото раѓање.
Организатори на овој настан се Фондација „Елеуса“, Струмичката Православна Епархија и Школата за веронаука при храмот „Св. Кирил и Методиј“ во Струмица.
