Во петок и сабота Свечена литија со иконата на Пресвета Богородица Брзопослушница

Струмичката Православна Епархија информира и со особена радост ги поканува верниците на свечена литија на иконата на Пресвета Богородица Брзопослушница.

На 21 април (петок) после вечерната служба во манастирот „Свети 15 Тивериополски свештеномаченици“, светата икона ќе биде пренесена во црквата „Свети Димитриј и Свети Григориј Палама“ во Струмица.

Следниот ден, сабота, 22 април по Светата божествена литургија во црквата „Свети Димитриј и Свети Григориј Палама“, во 10:00 часот ќе тргне свечената литија кон плоштадот „Гоце Делчев“ каде ќе се одржи молебен на Пресветата мајка Божја.

Струмичката Православна Епархија ги повикува сите благочестиви Христијани да бидат дел од овој торжествен настан преку кој уште еднаш се упатува благодарност до Пресветата наша Богородица.