Во петок, 11 април во 19:30 часот во Центарот за култура „Антон Панов“ во Струмица ќе биде отворена изложба на дела од авторката Живка Величковска насловена како „ZIVE”.
Живка Величковска е родена 1954 година во Куманово. Таа е дипломиран економист во пензија. Од 2019 година како пензионер се занимава со рачна изработка на украсни предмети од гипс, глина, хартија, со рециклирање и декупаж техники. Воедно и слика и користи различни техники, мотиви и бои. Претежно акрил и темпера на различни подлоги.
Величковска до сега има учествувано на две групни изложби на „Самоуки“, кои традиционално се одржуваат во Центарот за култура „Трајко Прокопиев“ во Куманово.
„ZIVE” е нејзина прва самостојна изложба со омилена тема – цвеќе. Со оваа изложба Величковска сака да ги инспирира и поттикне сите креативни луѓе, без разлика на возраста и образованието, да ја искажат и покажат својата креативност во областа на уметноста и рачната работа.
Петок, 11 април 2025 | 19:30 часот | Центар за култура – Струмица
