Во недела во Градашорци повторно „ПРАЗИЈАДА“

Општина Василево во недела (13-ти Ноември) во селото Градашорци повторно ќе ја организира традиционалната Манифестација „Ден на празот 2022“, или позната како „Празијада“. Местото на одржување ќе биде во дворот на Црквата „Св. Никола“, со почеток во 11:00 часот.
Присутните ќе имаат единствена можност да дегустираат специјалитети од праз и да уживаат во содржини од културно-забавната програма на која ќе се претстават учениците од двете основни општински училишта „Гоце Делчев“ од Василево и „Атанас Нивичански од Нова Маала, Културно уметничките друштва „Сушевски бисери“ од Сушево и КУД „Цветови“ од Дедино, како и познатиот македонски бенд „Next time“.