Волонтерството е значаен фактор во животот на еден млад човек — кусометражен филм на Црвен крст – Струмица по повод Денот на волонтерството

Петти декември е Светски ден на волонтерството. По тој повод, Општинската организација на Црвен крст – Струмица изработи видео кое има за цел да го промовира волонтерството како важно влијание во животот на еден млад човек. Протагонистот е ученичка која со зачленувањето во оваа организација отвора нов лист во својот живот, помагајќи им на оние на кои тоа им е потребно, а во меѓувреме градејќи се себеси како личност и создавајќи нови другарства.

Триминутниот филм е работен според сценарио на Слободанка Чолакова, лидер на Црвен крст – Струмица. Одличната реализација на видеото е дело на младиот струмичанец, видеограф и фотограф, Дине Ристов, кој долги години е дел од струмичкиот Црвен крст и има изработено повеќе видеа за промоција на оваа меѓународна хуманитарна организација.

Погледнете го овој кусометражен филм на Црвен крст – Струмица.