Владата го задолжи министерот за економија на следната седница да ја информира Владата во врска со рудникот кај Иловица

„Владата на денешната седница го задолжи министерот за економија, на првата наредна седница на Владата на Република Северна Македонија, да ја информира Владата за сите управни и судски постапки (одлуки, заклучоци и информации), поврзани со експлоатацијата на минерална суровина – руди на бакар и злато на локалитетот село Иловица, Општина Босилово, почнувајќи од првата одлука до денес“, ова стои во денешното соопштение од Владината седница, а по одлуката и реакциите во врска со спојувањето на двете концесии за експлоатација на компанијата што ќе управува со рудникот планиран кај Иловица. Во соопштението се додава дека е одлучено, по Информацијата до Владата, Министерството за економија да ги сподели сите информации во неа и со новинарите и јавноста.