Секојдневното енормно аерозагадување во Струмица во периодот на зимата, а во пресрет на најавениот протестен марш на 1 февруари низ улиците на Струмица од вчера си доби песна: „Струмица се гуши“ со видео спот, создаден од извесна „Ајљак Магарина Продукција“ на YouTube каналот. Рап музика со одличен текст и порака до надлежните, но и дека „народот спие“ и дише отров…
„Ало, ало… мерна станица до народот
300 A.Q.I. – црвен код!“
Струмица гори, а народот спие
Некој вика магла, ама знаеме што се крие
ПМ 2.5 во небото лета
А ние мислиме нормално е сѐ да е така
Зима по зима, иста приказна тече
Градот се дави, а некој ќе рече
„Само магла е“ – класична оправдувачка
Додека здравјето полека се влошува.
Дишеме отров, а викаме магла (еј!)
Петрол кокс гори, а народот спие (што?)
300 A.Q.I. , па што ќе биде?
Отвори очи, време е да се види!
Сулфур диоксид над дозвола скока
Филтри нема, само чад од високо
„Природна појава“ – лажна утеха
Додека градот полека се гуши без здив да зема
Инверзија, магла, класично оправдување
Ама мерните станици покажуваат труење
Од исток до запад – црни облаци
А ние седиме дома ко заробени птици.
Време е за промена, не за молчење (еј!)
Чист воздух бараме, не празно зборење (да!)
Од Скопје до Берово истата прикаска
Ама Струмица води – црна статистика
Зелени визии, а дишеме црно
Ветувања празни, а небото засмрдено
Нема веќе време за празни муабети
Дојде време да се крене свеста на сите!
Индустрија цвета, а народот вене
Петрол кокс гори, а градот пленет е
Фабрики без филтри, диви депонии
А после се чудиме на респираторни агонии
Зимата иде, а со неа и маглата
Ама знаеме дека тоа не е само таа
Мерачите покажуваат – бројки алармантни
А ние си молчиме, ко да сме арогантни.
Дишеме отров, а викаме магла (еј!)
Петрол кокс гори, а народот спие (што?)
300 A.Q.I., па што ќе биде?
Отвори очи, време е да се види!
Отвори очи, види што се случува
Загадувањето расте, а народот се мачи
Време е за акција, доста со приказни
За почист воздух – сите сме важни
Струмица вика, ти слушаш ли?
Воздухот црн е, ти гледаш ли?
Промена носи само будна свест
Крени се сега, време е за протест!
„Мерна станица до народот… крај на пренос“.
