![almak](https://strumicanet.com/wp-content/uploads/2023/09/Almak10_2023.jpg")
Во пресрет на новата сезона управата на ФК „Беласица“ одлучи да го назначи искусниот стратег Васе Беќаров за нов шеф на стручниот штаб, објавија на својата ФБ страница од клубот.
Васе Беќаров, кој ја поседува највисоката лиценца во светскиот фудбал според ФИФА/УЕФА стандарди ПРО лиценца, е тренер со долгогодишно искуство, а зад своето тренерско резиме може да се пофали со работа како селектор на У-17 репрезентацијата на Македонија, селектор на аматерската репрезентација на Македонија и 6 години шеф на стручниот штаб на гевгелискиот ФК „Кожуф“, што во денешниот македонски фудбал е вистинска реткост.
„Чест, задоволство и голема обврска е да се биде шеф на стручниот штаб и да се води еден клуб со голема традиција и реноме како струмичка „Беласица“. Благодарност до управата за укажаната доверба и поддршка која ја добив. ФК „Беласица“ заслужува прволигашски статус и ние заедно секојдневно ќе се бориме за тоа” – изјавил Беќаров.
