Ванковска и Левица ја почнаа предизборната кампања од Струмица

Левица синоќа го одржа првиот митинг од каде што ја најави борбата за Македонија во Струмица во, како што велат, „бастионот на заевизмот“, со пораката: „СДС мора да биде поразен и засекогаш заменет како доминантната партија во левиот политички спектар. Оттука ќе одекне повикот на новото време и на враќањето на достоинството на Република Македонија“.

На митингот се обрати претседателскиот кандидат на Левица проф. д-р Билјана Ванковска која истакна:

„Сега страдаме од божемната „наша власт“, која ги згази не само постигањата од минатото, туку се однесува како внатрешен окупатор. Ни ја одзеде не само живејачката и волјата за напредување, туку и надежта. Нè ограбија, ни ја згазија честа, го продадоа најсветото, ни ги отселија најдрагите. Подготвени се да го запустат и последното парче плодна почва, воздухот го направија отровен, а последната капка вода сакаат да ја продадат на јабанџии. Сè ни одземаа – освен душата. И неа ли ќе им ја дадеме“, кажа Ванковска во своето обраќање пред струмичани.

На митингот се обрати и лидерот на партијата Левица, Димитар Апасиев кој истакна: „Тачевизмот е највисок стадиум на ЗАЕВИЗМОТ и затоа Левица ја почнува својата кампања од бастионот на заевизмот. Да му брцнеме во очи на оној кој направи штета за две генерации“.

На митингот се обрати и Сашко Јанчев, носител на листа во ИЕ4 кој рече дека Левица ќе се бори до крај против најголемата закана за струмичката котлина – Рудникот во Иловица.

„Левица нема да дозволи да има рудник“ – истакна Јанчев.