Градоначалникот на општина Струумица, Костадин Костадинов денеска беше домаќин на делегација од амбасадата на Обединетото Кралство на Велика Британија во Македонија, предводена од британскиот амбасадор Метју Лосон.
Од општината информираат дека на средбата во кабинетот, градоначалникот Костадинов го запознал високиот гостин со белезите и потенцијалите на општина Струмица, како и со заложбите што ги прави локалната самоуправа за развој на општината на сите можни полиња.
„Беше разговарано и за досегашната соработка меѓу британската амбасада и Општина Струмица, како и за можностите за понатамошно негување и унапредување на соработката. Притоа, градоначалникот Костадинов истакна дека Струмица е отворена општина за размена на идеи, искуства и добри практики кои ќе го унапредат нејзиниот развој и ќе обезбедат поквалитетен живот на граѓаните“, велат од Општина Струмица.
Претходно, амбасадор Метју Лосон, заедно со министерката за труд и социјална политика, Јована Тренчевска и градоначалникот Костадинов беа во посета на Здружението на граѓани „Скај Плус“.
