Билјана Ванковска вечерва од Струмица ќе ја започне претседателската кампања

Кандидатот за претседател на Левица, Билјана Ванковска на денешната прес-конференција најави дека изборната кампања ќе ја започне вечер од Струмица во Центарот за култура „Антон Панов“, под мотото „Го враќаме достоинството на нацијата“.

„Во оваа кампања ќе се претставиме скромно, согласно можностите, каков што е и нашиот народ. Тоа што јас го ветив уште од денот кога ги собрав потписите е дека ќе бидам една и единствена која се разликува по тоа што го нуди и начинот на кој ќе ја презентирам визијата за една поинаква Македонија“, порача Ванковска.

На гласачите им порача да не дозволат да бидат заблудени дека 24 април е предјадење, а главното јадење на 8 мај, нагласувајќи дека имаат можност да гласаат за личности, а не за партии, укажувајќи дека сепак од седум кандидат, шестмина собрале поддршка и легитимитет од граѓаните.

Во Струмица вечерва од 19:30 часот ќе се обрати и претседателот на Левица и носител на ИЕ 1, Димитар Апасиев и носителот на ИЕ 4, Сашко Јанчев.