![almak](https://strumicanet.com/wp-content/uploads/2025/04/srnet-banner-sofa-bed-garnituri-2025-optimized.jpg")
Синоќа во Центарот за култура „Антон Панов“ во Струмица во организација на „Астерфест“ се одржа Тивериополска филмска вечер со проекција во чест на авторот Ице Виранов, на која беа прикажани три исклучителни кратки филмови кои ги потпишува Виранов.
Станува збор за филмовите: „Зевање“ од 2013 година, под мотото „животот накратко“, „(Не)нормален“ од 2014 година, кој Виранов го реализира во соработка со група млади македонски филмски творци и „Лука“, во режијa и монтажа на Ице Виранов, по сценарио на Џејд Бинева.
Неговите филмски проекти „Зевање“, „(Не)нормален“ и „Лука“ за првпат беа прикажани токму на „Астерфест“ во изминатата деценија, а ова заокружување на творештвото на Ице Виранов е дел од загревањето за претстојното издание на „Астерфест“, кое ќе се одржи под мотото „Кинореалност ‘24“.
Ице Виранов е роден 1983 година во Струмица. Дипломира филмска и ТВ-режија во класата на Румјана Петкова на Универзитетот „Неофит Рилски“ во Благоевград, со краткиот филм „Момчето кое спие до пладне“. Успешно работи како режисер и аниматор во видеоспотови, реклами и филмски и ТВ-проекти.
