Градоначалникот на општина Босилово, Ристо Манчев попладнево упати апел до жителите на општината за внимателност околу можноста за настанување на пожар.
Почитувани граѓани!
Изминатите два дена се случија неколку пожари на територијата на општина Босилово и тоа на само 100 метри од првите куќи во населените места.
– Апелирам на голема внимателност!
– Да не се палат огнови на отворено, да се внимава со отпушоци и да се внимава на се што може да предизвика палење на трева, прачки, отпад, итн.
– Да се пријави секој кој што пали оган на отворено или на некоја поголема или помала депонија.
– Локалното население (во рамките на можностите) да интервенира веднаш на гасење на огнот.
– Веднаш да се информира пожарната при било каков оган на отворено за да може да се локализира пожарот во најрана фаза.
Во вторник, (30.07.2024 година) Општина Босилово ќе повика координативен состанок на Општинскиот кризен штаб (општина, комунално, пожарна, ДЗС, ЦУК, МВР, Македонски шуми, Водостопанство и др.) за да видеме како да делуваме превентивно и како да сме по подготвени во случај да има потреба да се дејствува.
Само заедно можеме да се заштитиме – стои во апелот на градоначалникот Манчев.
