![almak](https://strumicanet.com/wp-content/uploads/2025/08/srnet-banner-sofa-bed-garnituri-2025-1-optimized.jpg")
Денеска во „Јуроп хаус“ во Струмица се одржа настан по повод 20-годишнината на еден од клучните моменти во европската историја – најголемото проширување на Европската Унија.
Амбасадорот на Словачка во Македонија, Хенрих Маркуш ги сподели искуствата на неговата земја и ги инспирираше присутните со примери од долгогодишната трансформација на Словачка.
На настанот присуствуваа градоначалникот на Струмица, Костадин Костадинов и членови на Советот, студенти, средношколци, од образовниот сектор и граѓански организации кои активно се вклучија во дебатата со прашања и коментари.
„Овој настан е убаво потсетување на огромните можности, но и одговорности и обврски кои доаѓаат од ЕУ. Во оваа насока, Струмица останува посветена во аспирациите на Северна Македонија за влез во Унијата. Делуваме локално, преку поддршка, стимулирање и примена на позитивните европски принципи на различни нивоа – од работата на локалната самоуправа до секојдневието на граѓаните“ – вели струмичкиот градоначалник Костадинов.
Од „Јуроп хаус“ најавуваат дека следуваат и други настани посветени на патот кон Европската Унија на кои ќе се презентираат искуствата и на други земји членки на ЕУ.
Настанот беше збогатен со изложба која ја претстави огромната промена на земјите од регионот – од кандидати за членство до важни членки на европското семејство.
