Амбасадорот на Делегацијата на ЕУ во Македонија Дејвид Гир во посета на Струмица

„Градоначалникот на општина Струмица денеска беше домаќин на Н.Е. Дејвид Гир, амбасадор на Делегацијата на ЕУ во РСМ и голем пријател на Струмица“, соопштуваат од Општина Струмица.

На средбата во градоначалничкиот кабинет разговарале за годината којашто помина, за проектите коишто се реализирани и започнати, за соработката со европските фондови, но и за новите предизвици во годината којашто започна, како на локално така и на државно ниво.

„Градоначалникот му се заблагодари на евроамбасадорот Гир за почитта и поддршката којашто ја добива од него и го потврди ставот дека европската иднина е перспективата за општината и државата. Со посебно задоволство прошетаа и во Младинскиот центар во општинската зграда, кој е еден од омилените проекти на градоначалникот Костадинов реализирани во минатата година, а кој секојдневно си ја оправдува и потврдува својата намена“ – стои во соопштението од Општина Струмица.