![almak](https://strumicanet.com/wp-content/uploads/2024/11/srnet-banner-noe-2-optimized.png")
Во рамките на традиционалниот дводневен настан што го организира Велосипедскиот клуб „Актив“, на 24 и 25 јуни (сабота и недела), Алпинистичкиот клуб СКАЛА од Струмица повторно ќе ги истражуваат мистериите кои се кријат по вертикалните падини на планината Беласица.
„Минатата година во истиот период, направивме неколку насоки по вертикалните падини на локалитетот Сечена Скала, на кои за прв пат голем број на учесници на настанот ја почувствуваа возбудата на искачување на карпа. Сите оние кои сакаат да се дружиме повторно, да се обидат пак, а и оние кои пропуштија минатата година, а сакаат да го сторат тоа, можат да дојдат во сабота и во недела, во подножјето на карпата Сечена Скала, која се наоѓа покрај патот кој води кон врвот Тумба на Беласица“, стои во поканата на Алпинистичкиот клуб СКАЛА“, додавајќи дека опремата за обезбедување на карпа, појаси, јажиња и кациги се обезбедени од клубот.
