Проектот со македонска музика, популарни рефрени во изминатиот половина век, насловен „Дом, Патување, Љубов“, на еден од најмоќните македонски вокали, струмичанецот Васил Гарванлиев е објавен на YouTube каналот.

„Чија си“, „Кажи зошто ме остави“, од поновите „Километри“... но и традиционалните македонски народни песни „Параходот ми пристигна“, „Зајди, зајди, јасно сонце“, се дел од овој видео колаж со интерпретација во живо на Васил и аранжмански обликувани од гитарата на Горан Алиќ.

Снимањето се реализираше на големата сцена во Центарот за култура „Антон Панов“ во Струмица, специјално адаптирана со светлосни ефекти, надополнета со публика.

Видеото со осумте македонски евергрини е создано од Ѓорги Вацев, Столе Ангелов и Бошко Столиќ, под режисерската палка на Јелмаз Дервиши, а светлосните ефекти се на „Riversound“.