Кик боксерот Пепи Велков е спортист на општина Струмица за 2017-та година. Вака одлучи комисијата за избор на спортисти, а беше прогласен на синоќешната манифестација „Спортист на годината“, која се одржа во хотелот „Студио ИН“ во Струмица. Наградата во име на Пепи од страна на струмичкиот градоначалник Коста Јаневски ја прими неговиот тренер Зоран Спасов, а тој овој момент го следеше преку Viber комуникација, упатувајќи благодарност и поздрав до сите присутни на манифестацијата.

Во оваа категорија, второто место го освои Марјан Урдов од Одбојкарскиот клуб „Струмица“, а третото Викторија Панчурова од женскиот Фудбалски клуб „Тиверија“.