Како што беше и најавено, од денеска започна со работа Детската градинка со целодневен престој во која можат да престојуваат ученици од 6 до 10 години, односно од прво до петто одделение, пред училишната настава во своите училишта.

Станува збор за некогашната Детска градинка на Предилницата „Струмичанка“, која до пред извесно време, односно 9 години го користеше Приватното средно училиште „Јахја Кемал“.

Комисијата од Министерството за труд и социјална политика даде позитивно мислење, а Советот на општината даде согласност за отворање на Клон 5 во рамките на ЈОУДГ „Детска радост“ Струмица. Обезбедени се соодветни услови, опрема и дидактички средства, вработени се стручни кадри кои ќе се грижат за воспитно-образовниот процес на учениците. Децата ќе добиваат по два оброка, а веќе има пријавено 120 деца за целодневен престој во оваа градинка, а капацитетот е за околу 200 деца.

Градоначалникот на Струмица, Коста Јаневски, заедно со претседателот на Советот, Марјан Даскаловски и дел од советниците, денеска го означија почетокот на оваа градинка.

„По позитивното искуство од минатата година со отворањето на една група за целодневен престој на околу 50 деца во Клон 2 на градинката „Детска радост“ што ни беше како пробен проект и зголемениот интерес на родителите од ваков вид на згрижување на нивните деца, од денеска во функција ставивме и нови простории за целодневен престој на деца од 6 до 10 години“ – кажа градоначалникот Коста Јаневски.

„Потсетете се само која беше првата асоцијација за Струмица пред 20 години – „чушки и френки“. Денес асоцијациите за Струмица се многубројни, Струмица е позната и по лица и по производи и по идеи и по настани. Дали познавате некој друг град кој создал толку производи, толку ѕвезди? Дали познавате некој друг град кој е со слична големина на Струмица и кој е пожив, подинамичен и позабавен од Струмица? Струмица се споредува со многу поголеми градови од неа и успешно се натпреварува. Токму затоа треба да се зацврсти позитивната слика за Струмица со обединувачки слоган, претпознатливи пораки и креативен дизајн“ – кажа Ѓоко Ристовски, од Општина Струмица, промовирајќи го Брендот Струмица како „Ѕвезда под небото“, со кој ќе се зајакнува позитивната слика за Струмица и со кој Струмица ќе се натпреварува на пазарот на градови со цел да привлече повеќе инвестиции, туристи и посетители.

Комерцијалниот бренд Струмица е создаден да го користат жителите, претпријатија и производи од Струмица за заеднички да се постигне подобро позиционирање и препознавање на Струмица.

Ристовски вели дека во првата фаза ќе се промовира генералната слика на Струмица, нејзините природни убавини, карневалот, а во втората фаза ќе се промовираат производи, компании, настани и идеи произлезени од градот и населените места.

Според градоначалникот на Струмица, Коста Јаневски, Брендот „Ѕвезда под небото“, ќе ја заинтригира човековата љубопитност, ќе го примами секој посетител, потенцијален инвеститор, деловен соработник, уметник или патник, да ги прими со сите сетила спецификите на градот и да го рашири добриот глас на долго и на широко по белиот свет.

„Ѕвезда под небото“ е идентитетот на Струмица со своето надворешно опкружување. „Ѕвезда под небото“ е порака која треба да ја слушнат сите и да сфатат дека Струмица е Град – Ѕвезда кој создава и производи и луѓе и вредности. Од Астраион до денешни дни, градот созрева со секоја нова генерација и градејќи ја скалата на успехот, се претвора во ѕвезда која се повеќе сјае. Брендот „Ѕвезда под небото“ ќе ја заинтригира човековата љубопитност, ќе го примами секој посетител, потенцијален инвеститор, деловен соработник, уметник или патник, да ги прими со сите сетила спецификите на градот и да го рашири добриот глас на долго и на широко по белиот свет. За нас Струмица има СЕ, и тоа нејзино СЕ треба токму ние струмичаните да го промовираме“ - кажа градоначалникот Јаневски, обраќајки се пред многубројната публиката во хотелот „Вила Парк“, каде освен граѓани, претставници на компании, институции, невладини организции, присуствуваа и гости од соседните земји Грција и Бугарија.

Автори на промотивните материјали се Марјан Ѕингаров, Никола Маџиров и Александар Дончев, а брендот Струмица е создаден во рамките на спроведувањето на проектот „Промоција на туризмот и културата“, финансиран од ЕУ во рамки на ИПА програмата за прекугранична соработка меѓу Република Грција и Република Македонија.

ФОТОГАЛЕРИЈА

Следниот месец ќе наполни 2 години, а од почетокот на својот живот има непознати епилептични напади. Михаела Петров од селото Куклиш, кај Струмица, наместо да се радува на животот секојдневно е со епилептични напади, грчење, плачење, а нејзините родители бараат помош и соодветна терапија за Михаела.

Сите прегледи што се направени во нашата држава, лечења и терапии, не ја подобруваат нејзината состојба, бидејќи уште не е дијагностициран проблемот и точната дијагноза.

Малата Михаела и нејзините родители во моментот се во Билберт, Германија, на клиниката „Helios Klinikum Niederberg“, каде врвни специјалисти во областа на неурологијата ветуваат многу за Михаела. Единствената нејзина шанса е токму овде, да се дијагностицира проблемот, да се добие соодветна терапија и да се олесни нејзиниот живот.

Потребни се околу 6.000 евра, а нејзиното семејство не е во можност да ги обезбеди овие средства.

Да и помогнеме, да донираме за Михаела на сметката број: 300031000004220 – Комерцијална Банка и преку бројот за донација на Телеком: 143-112.

Агенцијата „Евентум“ го најавува првиот семеен ден во Струмица во градскиот парк кај Чешмичката. Адиент семејниот ден со наслов „Ние сме семејство“, ќе се одржи во недела, 27 октомври со почеток од 11:30 часот.

Организаторите најавуваат четиричасовна бесплатна програма од отворен карактер за сите возрасти. Низ настанот публиката ќе ја води мултиталентираното дуо-водители и актери Атанас и Тино. За најактивните деца и родители ќе бидат доделени бројни награди и изненадувања.

На сцена ќе ги видиме настапите на локалното танцово студио One Way, а за музичко уживање ќе биде задолжена поп-пејачката Александра Јанева.

За најмалите ќе биде поставено креативно уметничко катче, збогатено со многу детски игри, боенки, суперхерои, маскоти. Како најголемо изненадување ќе биде гостувањето на популарната сезнајка Биби oд „Сказните на Биби“, кои се вистински хит меѓу децата.

Центарот за убавина „Prestige“ од Струмица, кој постојано ги следи светски познатите саеми и обуки во областа на козметиката, викендот беше дел од меѓународниот Саем на естетика, козметика и фризерски услуги во Белград, Србија – „Допирот на Париз“, се со цел да донесе нови третмани за разубавување кај жените.

Сопственичката на „Престиж“, Ана Динева, за „СтрумицаНет во кратки црти раскажа колку е важно да се следат тие обуки за да се внесуваат новитети за клиентите да бидат задоволни и постојано во тренд, затоа што третманите што се работат во „Beauty center Prestige“, како докажан бренд на полето на естетска медицина и врвната естетска козметологија, и фризерски услуги посветено и одговорно се грижи за своите клиенти, секогаш нудејќи ги најмодерните и најквалитетни решенија за подобрување на изгледот на секој клиент.

Ана ни раскажа дека на саемот биле како модели и познати ликови од српската естрада, Гоца Тржан, познатата актерка Лидија Вукичевиќ и други уметници од естрадата на Србија, да покажат колку е важно да се негуваат со третманите за да изгледаат убаво и привлечно и после 50-тите години.

„Beauty centar Prestige“ кој постои повеќе од една деценија постојано се труди да ги внесува сите новини и медицински апарати кои едноставно прават чуда. Во „Престиж“ може да ги сретнеме сите најефикасни третмани за слабеење: - криолиполиза, ултразвучна липолиза, Цаци Квантум, ЛПГ третманите против целулит, турбо солариум, ласер за влакна, најсовремените третмани за лице, криодерм, мезотетапија, пополнување на усни и брчки со хијалурон и ботокс и сите фризерски услуги.

Ана вели дека и покрај медицинската најсовремена апаратура која единствено тие ја имаат за тело и лице, нема да застанат овде. Постојано ќе се унапредуваат за на своите клиенти да им бидат достапни. Овој пат како новитет во „Prestige“ е донесен најновиот апарат за намалување на подбрадок, и оптегнување на кожа и стрии наречен HIFU. Сето тоа по барање на клиентите, и дека претстојат уште многу други изненадувања.

Центарот за убавина „Престиж“ се наоѓа спроти хотелот „Илинден“ во Струмица, а може да ја посетите и официјалната Фејсбук страница на следниот линк >>>

Страница 1 од 4