Струмичанец пријавил во полиција дека двајца соселани му ја краделе марихуаната. По пријава на случајот Струмичката полиција по претходно добиена наредба од истражен судија, извршила претрес во домот на М.Б. (54) од село Добрејци, Струмичко, при што биле пронајдени една враќа од брашно наполената со растителна материја – канабис сатива со вкупна тежина од околу три килограми. Пронајдена е и амбалажа од тутун наполнета со марихуана, остатоци од ова растение во дворот, во фиока од домот, како и три засадени корени во саксија од истото растение.

Струмичнецот М.Б. се решил да го пријави случајот во полицијата откако почнал да се сомнева дека браќата А.С. (26) и М.С. (22), исто така од селото Добрејци, му краделе од марихуаната засадена во неговиот двор. Тој поради тоа се обидел да ги нападне и со секира. По целосно документирање на случајот полицијате против М.Б. ќе поднесена пријава за неовластено производство и пуштање во промет наркотични дроги, психотропни супстанции и прекурсори.

превземено од: www.zase.mk